Бүгін, 2 наурыздан бастап Қазақстан бойынша әкімдіктер қоғамдық орындарды ластағаны үшін азаматтарға айыппұл салу өкілеттігін алды.
ӘҚБтК-нің 804-бабына енгізілген толықтыруларға сәйкес, қоғамдық орындарды ластағаны үшін әкімшілік хаттама толтыру құқығы Астана, Алматы, Шымкент қалаларының және барлық облыстардың әкімдіктеріне берілді.
Бұрын 434-2-бап бойынша айыппұл салу құқығы тек полицияда болған, енді бұл өкілеттік жергілікті атқарушы органдарға да берілді.
Бұл шара әкімдіктерге қоғамдық орындарды, саябақтар мен скверлерді ластағаны үшін, сондай-ақ коммуналдық қалдықтарды белгіленбеген жерлерге тастаған жағдайда, жедел жаза қолдануға мүмкіндік береді.