Қазақстандық сопылық бағыттың өкілі елдегі жат ағымдардың таралуына тоқталып, бұрынғы билік өкілдерін де сынға алды. Оның айтуынша, уахабизм идеологиясы ел ішінде терең тамыр жайып үлгерген.
Діни қайраткер Қайрат Сатыбалды мен Бекболат Тілеухан сияқты танымал тұлғаларды тікелей атап, олардың ұстанымдарына қатысты өз ойын білдірді. Тіпті, экс-президент Нұрсұлтан Назарбаевтың тұсындағы діни саясатқа да баға берді.
Қазақстан қоғамы үшін басты қауіп не?
Ишанның пайымдауынша, қазіргі таңда халық арасында діни сауатсыздық белең алған. Ол уахабизм мен сәләфизмнің түпкі мақсаты мемлекет іргесіне зақым келтіру екенін ескертеді.
Сондай-ақ, ол Мүфтиятпен қарым-қатынасы және имамдардың біліктілігі туралы сөз қозғап, діни басқарманың жұмысына көңілі толмайтынын жасырмады.
«Екінші әйелімді шәкіртіме үйлендірдім»
Сұхбаттың ең шок тудырған бөлімі – ишанның отбасылық өмірі. 9 баланың әкесі өзінің екінші әйелін жас шәкіртіне бергенін айтып, көпшілікті таңғалдырды.
Бұл әрекетін ол нәпсіні тыю және өзіндік діни қағидалармен түсіндіруге тырысты. Сонымен қатар, намаз оқымайтын, бірақ жақсылық жасап жүрген жандардың о дүниедегі жағдайы туралы да өз нұсқасын ұсынды.